袁富华

係香港男演員，自1995年開始演出過好多電影同舞臺劇作品。2017年佢頭一次演出電視劇。

袁富華最出名角色係1999年電影《喜劇之王》入面大聲嗌「你唔係外賣仔！」嗰位大佬。

袁富華出身好窮，自細就要做童工養家，中學讀威靈頓英文中學，讀到中五就正式投身社會，有次偶然見到請業餘演員，佢就走去試，結果就開始佢嘅演員生涯，主要喺劇場演出，出入過兩次中英劇團，亦有客串電影。2011年佢讀完香港演藝學院嘅碩士。佢亦曾經攞過香港舞台劇獎最佳男配角（喜／鬧）。2018年佢憑電影《翠絲》入圍第55屆金馬獎最佳男配角提名。